§ 9. Utoqqalinersiat tunngaviusumik annertussusaat ukiumut kr. 59.900-iuvoq.

Imm. 2. Utoqqalinersiutit tunngaviusumik annertussusaat apparneqassaaq, utoqqalinersiuteqartup ukiumut katillugit isertitaasa kr. 221.111 sinnerpatigit, minillugu utoqqalinersiat pisartakkallu Nordisk Konvention malillugu inuuniutissat qulakkeerneqarnerat.

Imm. 3. Utoqqalinersiap tunngaviusumik annertussusaa 50 pct.-imik isertitap annertussusaanit apparneqassaaq, tak. imm. 2, kr. 221.111.-imit ilanngaateqartillugu.

§ 10. Utoqqalinersiap ilassutaa ukiumut kisimiittumut kr. 74.300-voq kiisalu utoqqalinersiuteqartumut aappalimmut kr. 41.300-iulluni, tak. § 5.

Imm. 2. Utoqqalinersiap ilassutaa apparneqassaaq, utoqqalinersiuteqartoq taassumalu aappaata katillugit ukiumut isertitaat, Nordisk Konvention malillugu inuuniutissat qulakkeerneqarnerat minillugu, sinnerpatigit:

kr. 56.000 utoqqalinersiuteqartoq kisimiittumut
kr. 83.000 utoqqalinersiuteqartumut aappalimmut, tak. § 5.
Utoqqalinersiutit ilassutaat 45 pct.-imik isertitat tunngaviusumik annertussusaannit apparneqassaaq, tak. imm. 2, utoqqalinersiutilimmut kisimiittumut kr. 56.000 ilanngaavissatut aallaavigalugit kiisalu kr. 83.000 ilanngaatissatut aallaavigalugit utoqqalinersiutilimmut aappalimmut, tak. § 5.

§ 11. §§ 9-10-mi taaneqartut aningaasat nalimmassarneqartarput Naatsorsueqqissaarfiup akinik nalimmassaanerminni tunngavigisaat malillugit. Aningaasat tunngaviusut kiisalu utoqqalinersiutit ilassutaat ukiumut 2 %-inik nalimmassarneqartarput utoqqalinersiutilik 90-inik ukioqalernissaata tungaanut. Nalimmassaaneq ukiumut ataasiarluni pisarpoq, 1. januar atuutilerfiusarluni.